વોશિંગ્ટન,15 નવેમ્બર
અમેરિકી પ્રમુખ ઓબામાએ ગુરુવારે ભારતીય મૂળનાં માત્ર 36 વર્ષીય વિવેક મૂર્તિ ફિઝિશિયનને સર્જન જનરલ તરીકે નામાંકિત કર્યા છે. વિવેક મૂર્તિને અમેરિકી જાહેર આરોગ્ય બાબતોનાં અગ્રણી બનાવ્યા છે અને સાથે સાથે 6500 અમેરિકી જાહેર આરોગ્ય સેવાનાં ઓપરેશનલ વડા અને પ્રવક્તા તરીકે નિયુક્ત થયા છે, આ સાથે આર્મી, નેવી, એર ફોર્સ અને દરિયાઈ બાબતો જેવી સાત મહત્વપુર્ણ સેવાઓ પૈકીની આરોગ્ય વિષયક સેવાના વડા બન્યા છે. વિવેક મૂર્તિએ અમેરિકી જાહેર આરોગ્ય સેવા સંસ્થા કે જે 1871માં સ્થપાયેલી તેનાં 19માં સર્જન જનરલ બનશે. તેઓએ યેલ યુનિવર્સિટી માંથી મેડિકલની ડિગ્રી ઉપરાંત એંમ.બી.એની ડિગ્રી મેળવી છે. અમેરિકાનાં ઇતિહાસમાં વિવેક મૂર્તિ સૌથી નાની ઉંમરનાં સર્જન જનરલ બનશે. |
